Төтенше жағдайлар министрлігінің құтқарушылары үш мың метр биіктіктен төрт ер адамды эвакуациялады. Туристер Шымбұлақ шыңынан өз беттерімен түсе алмаған, деп хабарлайды Zakon.kz.
Қоңырау құтқарушыларға 31 мамыр кешке түскен. Көмек Алматы облысы Талғар ауданында жүрген 24 және 25 жастағы төрт ер адамға қажет болған.
"Шымбұлақ шыңынан 3450 метр биіктіктен түсіп келе жатқанда туристер өз күштерін дұрыс есептемей, құрысу белгілері пайда болған соң 112 нөміріне хабарласқан. Геолокацияны жолдаған соң, олар құтқарушыларды күтіп қалған", — деп мәлімдеді ТЖМ баспасөз қызметі.
Құтқару тобы шұғыл түрде Медеу бекетінен аттанып, Безымянное шатқалына жеткен соң, туристер жіберген координаталар бойынша жаяу жолын жалғастырған.
Түнде, көріну шектеулі жағдайында, тәжірибелі мамандар әлсіреген туристерді тауып, оларды "Шымбұлақ" тау-шаңғы курортына аман-есен жеткізді. Медициналық көмек қажет болмаған.
