Ақтөбе облысының шаруалары 125 мың тонна бидай бастырып үлгірді.
Орақ науқаны жалғасып жатыр. Ауыл шаруашылығы басқармасы берген мәлімет бойынша, орташа шығымдылық – гектарынан 13 центнер.
Мына шаруашылық биыл 25 мың гектар аумақ дәнді дақыл екті. Оның ішінде бидай, майлы дақылдар мен мал азығы да бар. Қазір диқандар орақ науқанын уақытылы аяқтауға тырысып жатыр. Егін бітік. Оны жинауға 10 комбайн мен 8 жүк көлігі жұмылдырылған.
Есет Шамбаев, серіктестік директоры:
- Бүгінгі күні арпаны жинап алдық. Чечевицаны жинап жатырмыз. Бидай жинап жатырмыз. Бидайдың көлемі енді жартылай болып қалдық. 3,5 мың гектар жинадық. Енді бір 4 мың гектар жер қалды. Әзірше ауа-райы жақсы болып тұр. Қолайлы болып тұр. Жаңбыр жауғанша шейін жинап алсақ деп жоспарлап отырмыз.
Биыл облыс бойынша 426 мың гектар аумаққа бидай егілді. Қазір диқандар 125 мың тонна өнім жинады. Орақ науқанына Үкіметтен 7 мың 200 тонна дизельді отын берілді. Астық қабылдауға элеваторлар да дайын.
Нұрбек Райымбеков, облыстық ауыл шаруашылығы басқармасының бөлім басшысы:
- Биыл өсімдік шаруашылығын қолдауға жергілікті бюджеттен 1,5 млрд теңге қаражат бөлінді. Бұл яғни тұқым шаруашылығын қолдауға, пестицидтердің құнын арзандатуға, минерелды тыңайтқыштардың құнын арзандатуға бағытталған. Бүгінгі күнде субсидиялау өтінімдер қабылданып, уақытылы төлемдер жүргізілуде.
Өңірдегі астық қабылдау орындары 700 мың тоннаға жуық өнім қабылдай алады. Бұл биылғы егінді толық кептіріп сақтауға мүмкіндік береді.
Айдарбек Айтмұхамбетұлы, Наталья Салькова, Айнадин Молдабеков
