Парламенттің жаңа сессиясы басталғалы жатыр. Президент халыққа Жолдау жасайды. Бірақ сенатор Еділ Жаңбыршин: «Біз әлі шешілмеген мәселелермен жүрміз. Қашанғы аутсайдер боламыз?» – деп ашық айтты, деп хабарлайды Skifnews.kz ақпарат порталы.
Ол соңғы екі жарым жылда реформа жүріп жатса да, қарапайым халықтың өмірінде өзгеріс аз екенін айтты. «Қағазда бәрі жақсы, бірақ шынайы өмірде халық сезбей отыр», – дейді ол.
Жаңбыршин ұсынған басты үш мәселе:
1. Басқару жүйесі дұрыс емес. Елді әділ басқару үшін Конституцияны қайта жазу қажет. Заңды бәріне бірдей қылмайынша, әділет болмайды.
2. Жаңа, таза адамдарды әкелу керек. Қазір басшылыққа танысы бар, туысы бар, ақшасы бар адамдарды қойып жүр. Бұлай болса, ел алға баспайды. Басшылыққа тек шын мықты, ел үшін жұмыс істейтін адамдар келуі керек.
3. Ұлттық идеология керек. Әркімге жағыну, жалтақтау тоқтауы тиіс. Елдің мүддесін ғана қорғап, ұлттық құндылықтарды бірінші орынға қою қажет.
Жаңбыршин егер осы үш мәселе шешілмесе, Қазақстан алға шықпай, «аутсайдер ел» болып қала береді деп ескертті.
