Мемлекетке қайтарылған активтер есебінен білім, денсаулық сақтау және спорт салаларында жаңа нысандар салу Қызылорда облысында да жүзеге асырылып жатыр, деп хабарлайды Egemen.kz.
Облыстық прокуратураның мәліметінше облыста қазіргі уақытта 6 денсаулық сақтау нысаны және 8 су құбыры салыну үстінде. Жыл соңына дейін толық аяқталып, іске қосылады деген жоспар бар.
Прокуратура қызметкерлері аталған құрылыс нысандарын аралап, жұмыс барысымен танысады. Қайтарылған активтердің тиімді игерілуі сала мамандарының тікелей бақылауында тұр.
