Астанада жол-көлік оқиғасынан зардап шеккен қыз балаға қолдау көрсету жалғасып жатыр, деп хабарлайды El.kz интернет порталы.
Елорда әкімдігінің мәліметінше, мемлекет басшысының тапсырмасы аясында Астана қаласының әкімдігі жеке демеушімен бірлесіп, отбасыға жаңа тұрғын үй кешенінен төрт бөлмелі пәтердің сертификатын табыстаған.
Аталған тұрғын үй кешенін биыл қазан айында пайдалануға беру жоспарланып отыр. Сонымен қатар, құрылыс компаниясы пәтерді жөндеу және қажетті жабдықтармен қамтамасыз ету жұмыстарын да өз мойнына алады.
Бұған дейін де зардап шеккен отбасыға түрлі әлеуметтік және медициналық қолдау шаралары көрсетілген болатын.
