«Amanat» партиясы құрылыста, өндірісте, коммуналдық салада және өзге де маңызды қызметте еңбек етіп жүрген азаматтардың балаларын мерекемен құттықтады, деп хабарлайды 24kz.
Елордадағы ойын-сауық орталықтарының бірінде «Жастар рухы» жастар қанаты жұмысшы отбасылардан шыққан бүлдіршіндердің басын қосты. Негізгі мақсат – оларды түрлі ойындар арқылы жұмысшы мамандықтармен таныстыру. Балаларды қорғау күніне орай партиялықтар ел аумағында 23 мыңнан астам балаға арнап 300-ден астам мерекелік шара өткізді. 20 өңірде турнирлер, экскурсиялар, анимациялық қойылымдар мен қайырымдылық акциялар ұйымдастырылды.
Ақерке Ескендірова, «Amanat» партиясы жанындағы «Жастар рухы» жастар қанатының төрағасы:
– Ең бастысы, біз Жұмысшы мамандықтар жылы болғаннан кейін балаларға осы жұмысшы мамандықтарды көрсеттік. Бұл жерге жұмысшы мамандықтар иегерлерінің балалары және әлеуметтік осал топтағы балалар шақырылды. Болашақта осы іс-шара оларға өз мамандықтарын таңдауға өз үлесін қосады деп сенеміз.
Ержан Умралинов, «Астана-Энергия» АҚ-ның машинисі:
– Балаларыма ұнап жатыр. Балаларым келіп, жұмысшы мамандық иелерінің кәсіптерін көріп, қолмен өздері жұмыс көрсетіп жатыр. Болашақта өзіне мамандық таңдауға әсері тиеді деп үміттенемін.
