Пәкістанның Лахор қаласы мен өзге де аймақтарын қою түтін жайлап, ауа сапасы күрт нашарлады.
Көріну деңгейі төмендегендіктен тұрғындар көшеге бетпердемен шығуға мәжбүр. Қауіпсіздік мақсатында мектептер мен кәсіпорындар жұмыс уақытын қысқартты. Ауаның сапасын бақылайтын IQAir компаниясының дерегінше, өңірдегі ластану деңгейі қауіпті межеден асып кеткен. Билік жағдайды бақылауда ұстап, атмосфераға тарайтын зиянды шығарындыларды азайтуға бағытталған шұғыл шаралар дайындап жатыр.
