Бұл туралы Алматының қала құрылысын бақылау басқармасы хабарлады.
Сот шешімімен Рысқұлов даңғылы, 420 мекенжайында орналасқан "Үміт" базары сүріліп жатыр, деп жазады inbusiness.kz сайты.
Бұған дейін жоспардан тыс тексеру барысында меншік иесіне тиісті құжаттарының болмауына байланысты айыппұл салынған. Бұдан өзге заңбұзушылықтарды жою жөнінде нұсқама берілген.
2025 жылы 22 шілдеде басқарма аталған нысанды сүру туралы талап-арызды Алматы қаласының мамандандырылған ауданаралық экономикалық сотына жолдады.
2025 жылы 27 тамызда сот басқарманың талабын қанағаттандырды.
Сот шешімін орындау аясында меншік иесі ғимаратты өз еркімен бұзуды бастады.
