Батыс Қазақстан облысы Бәйтерек ауданында тұрғындарға арналған «Ашық есік күні» өтті. Кездесуде құқық қорғау қызметкерлері халыққа заң қағидалары мен міндеттері жайлы кеңес берді. Ауданда 40 мыңнан астам адам тұрады. Тұрғындарды интернет алаяқтар, тұрмыстық жанжалдар мен мал ұрлығы мәселесі алаңдатады. Полиция, прокуратура қызметкерлері қылмыскерлерден қорғанудың жолын түсіндірді. Мұндай іс-шаралар халықтың құқықтық сауатын арттыруға сеп болмақ.
Әділет Әбу, Бәйтерек аудандық прокурорының орынбасары
Бір айдың ішінде 100-ге жуық адам келіп, шөп шабу, су тарту, дәрігерлік көмек мәселелері бойынша көптеген сұрақтар қоюда. Әрине, қолдан келгенше, заң аясында барлығына көмек беруге тырысып жатырмыз.
Ардақ Мұратқызы
