Қазақстанда бизнесті қолдау және халықтың несие алуын төмендету үшін жаңа шаралар енгізіледі. Бұл туралы үкімет отырысында Қаржы нарығын реттеу және дамыту агенттігінің төрағасы Мәдина Әбілқасымова мәлімдеді, деп хабарлайды KAZ.NUR.KZ.
Мәдина Әбілқасымованың айтуынша, үкіметтің, Ұлттық банктің және Қаржы нарығын реттеу және дамыту агенттігінің бірлескен іс-қимыл бағдарламасы шеңберінде бизнес үшін несие беруді ынталандыру және халықтың несие алуын төмендету бойынша ауқымды шаралар жүзеге асырылады.
Мәселен, 2026 жылғы сәуірден бастап бөлшек қарыздар үшін қосымша капиталды қалыптастыру бойынша талап енгізіледі. Қаржы институттары мұндай несиелер бойынша 2 пайызға дейін резервке қоюды міндеттейді, бұл банктер үшін тұтыну портфелін құруды экономикалық тұрғыдан тиімсіз етеді.
Сонымен қатар бизнес үшін кредит беруді ынталандыру мақсатында агенттік өтімділіктің төмендетілген коэффициенттерінің қолданылуын 0,9 деңгейінде ұзартады. Бұл шара Қазақстан экономикасы үшін шамамен 3 трлн теңгені босатуға мүмкіндік береді, оны банктер кәсіпкерлерді қаржыландыруға бағыттай алады.
Өзгерістер пайыздық мөлшерлемелерді қалыптастыру механизміне де әсер етеді. Мысалы, ипотека, қомақты бастапқы жарнаны төлейтіндер үшін арзанырақ болады және тұтынушылық несиелер бойынша пайыздар енді бекітілмейді.
"Агенттік Ұлттық банкпен бірлесіп, қарыз сомасының тұрғын үй құнының қатынасына қарай ипотека бойынша ставкаларды айқындаудың жаңа әдістемесін әзірлейді. Бұл мөлшерлемені нақты тәуекел деңгейімен байланыстыруға және несиелердің қолжетімділігін сақтауға мүмкіндік береді. Кепілсіз тұтынушылық кредиттерге қатысты нарықтық деректер негізінде шекті жылдық тиімді сыйақы мөлшерлемесін есептеу әдістемесі қайта қаралатын болады", — деді Мәдина Әбілқасымова.
Тұтынушылық кредит берудегі тәуекелдерді азайту үшін 2026 жылы жиынтық борыштың жылдық кіріске қатысты коэффициенті іске қосылып, оның нормативтік мәні белгіленеді. Сондай-ақ борыш жүктемесінің коэффициентін есептеу қатаңдатылады.
Сонымен қатар 2027 жылғы 1 мамырға дейін коллекторларға кредиттерді сатуға тыйым салу ұзартылып отыр, бұл проблемалы қарыз алушылар санын екі есеге қысқартуға мүмкіндік берді.
Бұдан бөлек, банкроттық рәсім жеңілдетіледі: банктер тиісті кандидаттарды өздері анықтай бастайды және оларға SMS арқылы қарыздарды есептен шығару мүмкіндігі туралы хабарлайды.
Мәтіннен қате тапсаңыз, бізге жазыңыз
